الفرحه فرحتين والعوده عودتين

وشي الله يابو غريب شي الله ياحسين

فاز اليوم الزمالك على اهلي جدة 1-0 بقدم العائد مصطفى جعفر نجم نجوم مصر والزمالك ؛ ليعود الزمالك من جديد للمنافسه على كأس البطوله العربيه وشى الله ياحسين ؛ اللهم اكتر افراحنا .
وفاز الدراويش على اهلي دريم والشوابير ليعود الدراويش للمنافسه على بطولة درع الدوري المصري ؛ وشى الله يابو غريب؛ اللهم كتر افراحنا وافراح ولاد العم الدرويش.
عوده حميده يازملكاويه وشدوا حيلكم ياسمعلاويه .
الحقيقه مباراة الدراويش استحوزت على القسط الأكبر من الفرحه ؛ خاصة ان اولاد العم عزفوا اجمل سموفونيه ؛ وهزموا الأهلاويه بأحلى ثلاثيه على انغام السمسمية ؛ ملحمه ياولاد ملحمه شعبيه ؛ فرحت اولاد الدراويش والزملكاويه .
وكان البطل الكبير في ملحمة العبور النجم الخليجي القاضي العادل والحاكم بالأمانة والأخلاق حكم اللقاء ؛ ابو قلب حديد ؛ وصفارة فولازيه ؛ معرفتش المافيا والحركات الأهلاويه تعمل عليه الكومبانيه؛ ولا عزاء للجهلاويه.
ولاابو تريكه حركات وقع وقام ووقع وقام ؛ عاوز ايه عاوز ضربات من حكم الإمارات فاكره حكم المحليه من جماعة الغندوريه .
لا يا ابو تريكه ده حكم من العالميه يعرف ربه ولا يهمه نفاق ولا إرهاب ولا اهلاويه.
حكم عينه مليانه وجيوبه عمرانه وقلبه حديد بيشوف من قريب وبعيد .
الكابتن شوبير والشيخ طه قالوا لعيبة الدراويش على الكره سعرانين ولعيبه الأهلي من الكرة خايفين ومرعوبين .
مبروك يادراويش وعوده للبطولات مع الزملكاويه .مبروك يازملكاويه عودتكم للبطوله العربيه .
وزي مقال الشاعر .
الكرة في مصر مفيش غير في الزمالك والدراويش .